Bizitza denfendatuz: giza eskubideen defendatzaileak eta haien erakundeak indartzea eta babestea ikuspegi feminista dekolonial batetik

Proiektua gizarte eraldaketarako hezkuntzaren ekimen zabalago baten barruan dago, eta jarraipena ematen die aurreko proiektuei. Giza eskubideak defendatzen dituzten pertsonen, komunitateen eta erakundeen babes integralari laguntzen jarraitu nahi du, bereziki emakume defendatzaileei, ikuspegi feminista intersekzionaletik, Nazioarteko Bake Brigadek lagunduta. Donostian egingo da, baina Euskadiko eta Hego Globaleko (Honduras, Guatemala, Kolonbia, Nikaragua, Mexiko) erakunde eta mugimendu sozialek parte hartuko dute. Esperientziak eta jakintzak trukatzean oinarritutako zaintza- eta babes-estrategia kolektiboak sortuko ditugu. Prestakuntza-, komunikazio-, sentsibilizazio- eta eragin-prozesuak bultzatuko ditugu, erakundeekin, unibertsitate-komunitatearekin, gizarte-mugimenduekin eta herritarrekin babesari buruzko gaitasunak indartzeko eta ezagutza kolektiboa sortzeaz gain, iruditeria sozial eta politikoan eragiteko, giza eskubideen eta justizia globalaren defentsan erantzukidetasun handiagoa sustatuz, eta elkartasun- eta babes-sareak eraikiz toki- eta nazioarte-mailan.