Chiapasko komunitate indigenek eta nekazariek ekoizpen jasangarri eta agroekologikorako dituzten gaitasun teknikoak eta antolakuntzakoak indartzen dituzte. III. Fasea.

Proiektuaren bidez, indigenen eta nekazarien 11 komunitateren gaitasun teknikoak, politikoak eta antolakuntzakoak sendotu nahi dira, bai eta Chiapasko 5 eskualde ordezkatzen dituen bertako haziak babesteko sare bat ere, elikadurarako, energiarako eta ingurumen osasuntsua izateko eskubideak gauzatzeko eta exijitzeko, genero-konpromisoarekin. Horretarako:
- Genero-eraldaketak sustatuko dira, emakumeek beren komunitateetan duten parte-hartze soziopolitikoa areagotuz eta gizonen erresistentziak murriztuz.
- Komunitateen elikadura-subiranotasunaren eta osasun-subiranotasunaren erabilera indartuko da, emakumeek bultzatuta.
- Energiaren eskuragarritasuna eta autokudeaketa bermatuko da, generoaren, eskubideen eta ingurumenarekiko erabilera kontziente eta arduratsuaren ikuspegitik.
- Hazien eta Ama Lurraren Zaindarien Sarearen gaitasun politikoak eta antolakuntzakoak areagotuko dira, ingurumenaren defendatzaile lana indartzeko.

Proiektuaren tokiko bazkideak honako hauek dira: Desarrollo Económico y Social de los Mexicanos Indígenas A.C. - DESMI (partzuergoko burua) eta Desarrollo Tecnológico y Servicios Comunitarios El Puente.