Beren eskubideen defentsan arduratsua eta aktiboa den herritartasuna sustatzea

Proiektua Senegal osoan garatzen da, Dakarri arreta berezia eskainiz, biztanleria gehiena gaztea den, gazteen migrazio handia dagoen eta herritarren parte-hartzea txikia den testuinguruan. Komunikabideen estaldura urria, gizarte-erakundeen gaitasun mugatuak eta lurralde-mailako artikulazio ahulak oztopo dira herritar informatu eta aktiboak izateko. Egoera horrek kalte egiten die demokraziaren kalitateari eta giza eskubideen erabilerari. Proiektuaren helburua da herritarren komunikazioa indartzea eta gai publikoetan parte-hartzea sustatzea.