UNRWAren Lanbide Heziketako programaren eraldaketa Libanon

Proiektuak Siblingo Lanbide Heziketako Zentroaren berehalako beharrizanei heldu nahi die, Libanoko Palestinako errefuxiatuen ahalduntze soziala, ekonomikoa eta pertsonala sustatuz, batez ere gazteen kasuan.
Horretarako, Jaurlaritzaren Hezkuntza Sailaren finantziazioa zentroa indartzera bideratuko da, hegoaldeko campusean eskuragarri dagoen ekipamendu materiala hobetuz. Bertan, besteak beste, esku-hartzearen onuradun izango diren hurrengo ikastaroak garatuko dira, Euskal Lanbide Heziketako 26 adar edo lanbide-arloetako batzuekin lotuta: i) zurgintza eta ebanisteria, ii) elektronika, iii) metalezko txapazko hodi-sistemen fabrikazioa, iv) aluminioaren fabrikazioa, v) soldadura eta hodien fabrikazioa eta, vi) mekanika industriala.