Erbesteko saharar errefuxiatuen kanpamentuak

Hezkuntza bereziko zentroa 1996an sortu zen, eta errefuxiatuentzako kanpamentu batean ezaugarri horiek zituen lehen zentroa izan zen. Zentroan 60 ikasle inguru daude, 6 eta 32 urte bitartekoak, desgaitasun fisiko eta mental mota askotakoak (Down sindromea, garuneko paralisia, autismoa). Programazioaren helburua haietako bakoitzak dituen beharrei erantzutea da. Hizpide dugun adobezko eraikinak 8 gela txiki, jangela, biltegia, bulego-harrera eta bi komun ditu. 10 hezitzailek (zuzendaria barne) eta zaintzaile batek osatzen dute plantilla. Eskolan gosaria eta bazkaria ematen zaie egunero. Eskolako zuzendariak, ikastetxetik urrunen bizi diren haurrak eta gazteak etxetik hartu eta eskolara eramaten ditu egunero, haiek eskolara joatea bermatzeko. Eskola bukatutakoan, etxera eramaten ditu berriro. Hezitzaileek egunero lantzen dute ikasle horien autonomia, beste ikastetxe batzuetan intregratu ahal izateko. Aurreneko urteetan, lana borondatez egiten zuten, inolako konpentsazio ekonomikorik jaso gabe. Etengabeko prestakuntza ere emakume horien lanaren parte izaten da.