Defendatzaileak: arrazakeriaren aurkako aliantzak bultzatzea Bizi Onaren alde Donostian

Lumaltik Herriak eta Politki Elkarteak 2019tik Donostian bultzatutako lanari jarraipena ematen dio proiektuak. Ekoizpen eta kontsumoko eredu hegemonikoaren eta arrazakeria estrukturalaren arteko harremanez hausnartuko dugu. Lotura horiek munduaren Hegoko herrietan eta emakumeen gorputzetan duten eraginari eta migrazio-fenomenoarekin duten loturari buruzko ikerketa egingo dugu. Emakume migratuen kolektiboen eta tokiko elkarte-sarearen arteko harremanak aztertuko ditugu, arrazakeriaren aurkako aliantzak indartzeko. Prestakuntza- eta truke-espazioak bultzatuko ditugu emakume migratuen, Mesoamerikako defendatzaileen eta gizarte-sareko erakundeen artean (bereziki Ekonomia Sozial eta Solidarioari eta Kontsumo Arduratsuari lotuta). Azkenik, prozesuaren ikaskuntzak sistematizatu eta zabalduko ditugu tokiko herritarren eta herritar globalen artean, hirian Ongi Bizitzearen aldeko praktikak sustatzen dituzten erresistentzia-alternatibak ikusarazteko eta bultzatzeko.