Garai Berriak. Modu Berriak: gizarte kritiko, arduratsu, kontziente eta eraldatzaileetarantz jotzea

Proiektu honen bidez, pertsonen bizitzarako eta ingurumenerako jasangarriak diren bizimoduak sustatzera bideratuko gara. Era berean, kontzientzia kritikoa sortu nahi dugu, eredu kapitalistak eta neoliberalak gure egunerokotasunean eragiten dituen egiturazko arrazoiak (ekonomikoak, sozialak, generokoak, ingurumenekoak) sakon aztertuz. Izan ere, ekintza kolektiboen bidez zalantzan jarri nahi dugu eredu kontsumista gogoetagabea, neurrigabea eta gure beharretatik urrun dagoena. Horren ondorioz, baliabide naturalak behar baino askoz gehiago erabili eta hondakinak izugarri sortu egiten da, eta horrek oraindik eta gehiago erasaten die herrialde pobretuei. Egoera horri aurre egiteko, funtsezkotzat jotzen dugu bide alternatibo eta jasangarri berri batzuk izatea, pertsona guztien giza eskubideak, naturaren eskubideak, genero-ikuspegia eta CCR eta T balioak eta irizpideak erdigunean jarriko dituztenak.

Hauek dira ekintza nagusien helburuak:
- Saretuz sarean bizimodu jasangarrien ikuspegia eraikitzea. Bizimodu jasangarriak ulertzeko esparru komun bat lortzea, genero ikuspegia, tokikoa eta globala eta ingurumenarekiko arduratsua izateko ikuspegia izango duena eta Donostiako herritarren kontsumo-portaerak erabat kontuan hartuta. - Bizimodu jasangarriak sustatuko dituzten ekimen sozialak aztertzea, hegoaldeko zein iparraldeko hainbat eragilerekin lankidetzan.
- Bizimodu jasangarriaren printzipioak eta jardunbideak txertatzea Donostiako gizarteko hainbat sektoretan, eta pertsonak ahalduntzea bizimodu jasangarriak har ditzaten hezkuntzaren, sentsibilizazioaren eta parte-hartzearen bidez.
- Bizimodu jasangarrien arloan egindako ekintzen emaitzak neurtzea eta haien jarraipena egitea, eta ondorioak, pertzepzioak eta gogoetak zabaltzea.